નીલ સરસ્વતી સ્તોત્ર

નીલ સરસ્વતી સ્તોત્ર

                श्री गणेशाय नमः

 ॐ घोररूपे महारावे सर्वशत्रु भयङ्करी ।

       भक्तेभ्यो वरदे देवि त्राहि मां शरणागतम् ।।१।।

 ॐ सुरासुरार्चिते देवि सिद्ध गन्धर्व सेविते ।

          जाड्यपापहरे देवि त्राहि मां शरणागतम् ॥२॥

 ॐ जटाजूट समायुक्ते लोलजिह्वान्तकारिणी ।

           द्रुतबुद्धिकरे देवि त्राहि मां शरणागतम् ।।३।।

 ॐ सौम्यक्रोधधरे रुपे चण्डरूपे नमोऽस्तु ते ।

        सृष्टिरूपे नमस्तुभ्यं त्राहि मां शरणागतम् ॥४॥

ॐ जडानां जडतां हन्ति भक्तानां भक्तवत्सला ।

          मूढतां हर मे देवि त्राहि मां शरणागतम् ||५||

ॐ हूं हूंकारमये देवि बलिहोमप्रिये नमः ।

         उग्रतारे नमो नित्यं त्राहि मां शरणागतम् ||६||

ॐ बुद्धिं देहि यशो देहि कवित्वं देहि देवि मे ।

          मूढत्वं च हरेर्देवि त्राहि मां शरणागतम् ||७||

ॐ इन्द्रादिविलसन्देववन्दिते करुणामयी।

       तारे तारधिनाथास्थे त्राहि मां शरणागतम् ॥ ८॥

                   ||अथ फलश्रुतिः ॥

ॐ अष्टम्यां च चतुर्दश्यां नवम्यां च पठेन्नरः ।

            षण्मासैः सिद्धिमाप्नोति नात्र कार्या विचारणा ॥१॥

ॐ मोक्षार्थी लभते मोक्षं धनार्थी लभते धनम् ।

         विध्यार्थी लभते विद्यां तर्कव्याकरणादिकाम् ॥२॥

ॐ इदं स्तोत्रं पठेद्यस्तु सततं श्रद्धयान्वितः ।

         तस्य शत्रुः क्षयं याति महाप्रज्ञा प्रजायते ||३||

ॐ पीडायां यापि सङ्ग्रामे जाड्ये दाने तथा भये ।

           य इदं पठति स्तोत्रं शुभं तस्य न संशयः .।।4।।

          इति प्रणम्य स्तुत्वा च योनिमुद्रां प्रदर्शयेत् ।

        ॥इति श्री नील सरस्वती स्तोत्रं सम्पूर्णम् ॥

શ્રી સરસ્વતી સ્તોત્ર ( 2 )

 श्रीसरस्वतीस्तोत्रं बृहस्पतिविरचितम् 

श्रीगणेशाय नमः ।
बृहस्पतिरुवाच

सरस्वति नमस्यामि चेतनां हृदि संस्थिताम् ।

कण्ठस्थां पद्मयोनिं त्वां ह्रीङ्कारां सुप्रियां सदा ॥ १॥
मतिदां वरदां चैव सर्वकामफलप्रदाम् ।

मन्त्रप्रियां सदा हृद्यां कुमतिध्वंसकारिणीम् ।
केशवस्य प्रियां देवीं वीणाहस्तां वरप्रदाम् ॥ २॥


मोक्षप्रियां शुभां नित्यां सुभगां शोभनप्रियाम् ।
स्वप्रकाशां निरालम्बामज्ञानतिमिरापहाम् ॥ ३॥


आदित्यमण्डले लीनां प्रणमामि जनप्रियाम् ।
पद्मोपविष्टां कुण्डलिनीं शुक्लवस्त्रां मनोहराम् ॥ ४॥


आत्मानं दर्शयामास शरदिन्दुसमप्रभाम् ॥ ६॥
ज्ञानाकारां जगद्द्वीपां भक्तविघ्नविनाशिनीम् ॥ ५॥

इति सत्यं स्तुता देवी वागीशेन महात्मना ।


प्रसन्ना यदि मे देवि परं ज्ञानं प्रयच्छ मे ॥ ७॥
श्रीसरस्वत्युवाच
वरं वृणीष्व भद्रं त्वं यत्ते मनसि वर्तते ।
बृहस्पतिरुवाच

श्रीसरस्वत्युवाच

लभन्ते परमं ज्ञानं मम तुल्यपराक्रमाः ।
दत्तं ती निर्मलं ज्ञानं कुमतिध्वंसकारकम् ।
स्तोत्रेणानेन मां भक्त्या ये स्तुवन्ति सदा नराः ॥ ८॥


तस्य कण्ठे सदा वासं करिष्यामि न संशयः ॥ १०॥
कवित्वं मत्प्रसादेन प्राप्नुवन्ति मनोगतम् ॥ ९॥

त्रिसन्ध्यं प्रयतो भूत्वा यस्त्विमं पठते नरः ।


सम्पूर्णम् ॥
॥ इति श्रीरुद्रयामले श्रीबृहस्पतिविरचितं सरस्वतीस्तोत्रम्

શ્રી સરસ્વતી સ્તોત્ર

 श्रीसरस्वतीस्तोत्रम् 
रविरुद्रपितामहविष्णुनुतं
      हरिचन्दनकुङ्कुमपङ्कयुतम् 
मुनिवृन्दगजेन्द्रसमानयुतं
      तव नौमि सरस्वति पादयुगम् ॥ १॥

शशिशुद्धसुधाहिमधामयुतं
      शरदम्बरबिम्बसमानकरम् ।
बहुरत्नमनोहरकान्तियुतं
      तव नौमि सरस्वति पादयुगम् ॥ २॥

कनकाब्जविभूषितभूतिभवं
      भवभावविभावितभिन्नपदम् ।
प्रभुचित्तसमाहितसाधुपदं
      तव नौमि सरस्वति पादयुगम् ॥ ३॥

भवसागरमज्जनभीतिनुतं
      प्रतिपादितसन्ततिकारमिदम् ।
विमलादिकशुद्धविशुद्धपदं
      तव नौमि सरस्वति पादयुगम् ॥ ४॥

मतिहीनजनाश्रयपारमिदं
      सकलागमभाषितभिन्नपदम् ।
परिपूरितविश्वमनेकभवं
      तव नौमि सरस्वति पादयुगम् ॥ ५॥

परिपूर्णमनोरथधामनिधिं
      परमार्थविचारविवेकविधिम् ।
सुरयोषितसेवितपादतलं
      तव नौमि सरस्वति पादयुगम् ॥ ६॥

सुरमौलिमणिद्युतिशुभ्रकरं
      विषयादिमहाभयवर्णहरम् ।
निजकान्तिविलोमितचन्द्रशिवं
      तव नौमि सरस्वति पादयुगम् ॥ ७॥

गुणनैककुलं स्थितिभीतिपदं
      गुणगौरवगर्वितसत्यपदम् ।
कमलोदरकोमलपादतलं
      तव नौमि सरस्वति पादयुगम् ॥ ८॥


इदं स्तवं महापुण्यं ब्रह्मणा च प्रकीर्तितम् ।यः पठेत् प्रातरुत्थाय तस्य कण्ठे सरस्वती  ॥